कालिकोटमा भारतको सहयोगमा विद्यालय भवन शिलान्यास

कालिकोट । कर्णाली प्रदेशको कालिकोट जिल्लास्थित सान्नीत्रिवेणी गाउँपालिका–४ मा श्री जनज्योति माध्यमिक विद्यालयको नयाँ भवन निर्माणका लागि शिलान्यास गरिएको छ। भारत सरकारको करिब ९ करोड ३० लाख नेपाली रुपैयाँ आर्थिक सहयोगमा यो विद्यालय भवन निर्माण हुन लागेको हो।

यो उच्च प्रभाव सामुदायिक विकास परियोजनाअन्तर्गत कालिकोट जिल्लाकै पहिलो आयोजना हो, जसको कार्यान्वयन सान्नीत्रिवेणी गाउँपालिकामार्फत गरिनेछ। भवन शिलान्यासको अवसरमा गाउँपालिकाका अध्यक्ष तथा अन्य सरोकारवालाहरूले भारतीय विकास सहयोगको प्रशंसा गर्दै नयाँ पूर्वाधारले विद्यार्थी र शिक्षकहरूका लागि सिकाइ वातावरण सुदृढ बनाउन ठुलो मद्दत पुग्ने विश्वास व्यक्त गरे।