कल्पनामा डुब्न सजिलो तर वास्तविकता जान्न कठिन

कल्पना के हो अनि वास्तविकता के हो ! यस कुरालाई बुझ्नका लागि, जान्नका लागि, चिन्नका लागि तपाईँको जग बलियो हुनुपर्छ । सबै कल्पनाको बीज तपाईँभित्रै छ । यो सत्य हो । यो कल्पना होइन, यो वास्तविकता हो । कल्पनाले आराम गर्नुपर्दैन । न त त्यसलाई छाया नै चाहिन्छ, न घाम, खानापिनाजस्ता केही चीजको आवश्यकता पर्छ । त्यो दिनरात सधैँ तपाईँभित्रै हुन्छ ।

कल्पनामा डुब्न एकदमै सजिलो हुन्छ । वास्तविकतालाई जान्ने अनि मान्ने कामचाहिँ साँच्चै कठिन हुन्छ । यदि त्यसलाई बुझ्न सक्नुभो, पहिचान गर्न सक्नुभो भने तपाईँ भाग्यशाली हुनुहुन्छ, किनभने त्यो तपाईँभित्रै छ । त्यसका लागि तपाईँको जग मजबुत हुनु अत्यावश्यक रहन्छ । तपार्इँ सबल हुनुपर्दछ । जरा बलियो भयो भने हलचल गर्दैन पनि । वास्तवमा जुन वस्तुको खोजी तपाईँलाई छ नि ! त्यो तपाईँभित्रै छ । चिन्नुहोस्, पहिचान गर्नुहोस् । त्यसका साथमा रहेर केही समय बिताउनुहोस् । किनकि, यी कार्यमा सबैथोक लुकेको छ । शान्ति यही हो । कुनै चीजको अभाव शान्ति होइन तर कुनै चीजको प्राप्तिचाहिँ शान्ति हो ।