धादिङमा एकैदिन थपिए १०६ जना कोरोना संक्रमित

काठमाडौं- धादिङमा एकैदिन १०६ जनामा कोरोना संक्रमण पुष्टि भएको छ। त्रिशुली अस्पताल नुवाकोटामा गरिएको पिसिआर परीक्षणमा धादिङका १०६ जनामा कोरोना संक्रमण पुष्टि भएको हो।

त्रिशुली अस्पतालका मेडिकल सुपरिटेन्डेन्ट डाक्टर दिपेन्द्र पाण्डेका अनुसार धादिङबाट कोरोना परीक्षणका लागि आएको १३३ वटा स्वाब परीक्षण गर्दा १०६ जनामा कोरोना संक्रमण पुष्टि भएको हो।