बागमती सरकार विस्तारमा प्रमुख दल नै बाधक

मकवानपुर । बागमती प्रदेश सरकार विस्तारमा प्रमुख दलहरु नै बाधक बनेका छन् । मन्त्रालय भागबण्डाका विषयमा सत्ता गठबन्धनका दलहरु लचक बन्न नसक्दा सरकार विस्तार हुन सकेको छैन भने मुख्यमन्त्रीमाथि दबाब बढ्दै गएको छ ।

प्रदेशको सबैभन्दा ठुलो दल एवम् सत्ता गठबन्धनको प्रमुख घटक नेपाली कांग्रेस, सरकारको नेतृत्वमा रहेको नेकपा माओवादी केन्द्र र सहयात्री दल नेकपा एकीकृत समाजवादीबिच मन्त्रालय भागबण्डामा सहमति जुट्न नसक्दा सरकारले पूर्णता पाउन सकेको छैन ।