घरेलु मैदानमा उपाधि चुम्न चुकेको नेपाल

बंगलादेशको सफलता श्रृङ्खला र नेपालको असफलताको श्रृङ्खलाको अर्को एउटा कथा बुधबार काठमाडौंस्थित दशरथ रंगशालामा भएको फाइनल खेलमा लेखियो ।

खचाखच भरिएको रंगशालामा खेल सकिन केही सेकेन्ड बाँकी रहँदासम्म सुनिएको ‘नेपाल, नेपाल’को चिच्चाहट थपिएको पाँच मिनेट जोड्दा ९५ औँ मिनेटमा पुगेर एकाएक रोकियो । १५ हजार बढि घरेलु दर्शकबिच बंगलादेशले खुसि मनाईरहँदा नेपालले १२ औँ पटक च्याम्पियन ट्रफि परैबाट हेर्नुपरिरहेको थियो ।