इप्पान अध्यक्ष कार्कीले भने : सरकारबाटै ऊर्जा क्षेत्रले सास्ती भोग्नुपर्‍यो

२९ जेठ, काठमाडौं । स्वतन्त्र ऊर्जा उत्पादकहरूको संस्था नेपाल (इप्पान) का अध्यक्ष गणेश कार्कीले ऊर्जा क्षेत्रमा निजी क्षेत्रले ठूलो योगदान दिए पनि सरकार र सरकारी निकायबाटै सास्ती तथा अवरोध भोग्नुपरेको बताएका छन्।

इप्पानको २४ औं वार्षिक साधारणसभालाई सम्बोधन गर्दै कार्कीले नेपालमा विद्युत् उत्पादन, निर्यात र लगानी विस्तारका लागि निजी क्षेत्र अग्रपङ्क्तिमा रहे पनि नीति तथा प्रक्रियागत जटिलताले ऊर्जा क्षेत्र प्रभावित भएको बताए।