नेपाल स्काउटद्वारा कार्यालयमामा भएको तोडफोड र आक्रमणप्रति गहिरो खेद प्रकट

काठमाडौँ । नेपाल स्काउटको राष्ट्रिय प्रधान कार्यालयमा शनिबार भएको तोडफोड, आक्रमण र अराजक गतिविधिप्रति नेपाल स्काउटले गहिरो खेद प्रकट गरेको छ। संस्थाले यस घटनालाई ‘पवित्र संस्था र सम्पूर्ण स्काउट जगतमाथिको निर्मम हमला’ भन्दै कडा शब्दमा निन्दा गरेको छ।

शनिबारको घटनापछि जारी गरिएको विज्ञप्तिमा भनिएको छ, ‘यस्ता आतङ्ककारी कार्यहरूको हदैसम्म निन्दा गर्दछौँ। यो हमला सम्पूर्ण स्काउट परिवारमाथिको गम्भीर प्रहार हो।’