समाजवादी खस सङ्घ घोषणा गर्दै जसपा

ललितपुर । जनता समाजवादी पार्टी (जसपा) नेपालले खस सङ्घ गठन गर्न लागेको छ । ललितपुरको बालकुमारीमा आज एक भेलाको आयोजना गरी पार्टीको भ्रातृ संगठनको रूपमा समाजवादी खस सङ्घ केन्द्रीय घोषणा गर्न लागेको हो ।

पार्टीले उक्त सङ्गठन गठन तयारीका लागि राजनीतिक समिति सदस्यहरू दीपक कार्की, प्रेम थापा, पूर्ण बस्नेत र केन्द्रीय सदस्य अर्जुन लम्साललाई जिम्मेवारी तोकेको थियो । पार्टीमा यस अघि यस खाले सङ्गठन बनाइएको थिएन ।