समस्या समाधानको फरक पाटो

एक पिता कुनै किताब पढ्न व्यस्त थिए । तर, उनका १० वर्षीय छोराले नजिक आएर उनलाई तालतालका प्रश्न सोधेर हैरान पारिरहेका थिए । आफूले जतिसुकै सम्झाउँदा वा हप्काउँदा पनि छोरामा कुनै असर नपरेको देखेर पितालाई कुनै अर्कै काममा छोरालाई अल्झाउन पाए हुन्थ्यो कि भन्ने लाग्यो । उनले नजिकै रहेको एउटा पुरानो किताब उठाएर पाना पल्टाए ।

त्यसमा विश्वको नक्सा छापिएको थियो । उनले त्यो पाना ध्यार्र च्याते र त्यसलाई कैयौँ टुक्रामा काटेर मिसमास पारे । अनि, छोरालाई दिँदै भने– बाबु, यो विश्वको नक्सा हो । अब तिमी यी टुक्रालाई जोडेर नक्सा पूरा गरेर बाबालाई देखाऊ ल !