कलाकार फेरबदलका कारण ३९ दिनमा सकियो ‘जलाकी’

काठमाडौं । अभिनेता सोनाम तोप्देन र धिरज मगरलाई आलोपालो राख्ने र हटाउने गर्दा चलचित्र ‘जलाकी’को छायांकनमा निकै कठिनाइ आएको थियो । अन्तत : धिरज पूर्ण रूपमा हटेपछि पुनः सोनामलाई राखेर अघि बढेको यो चलचित्रको यति बेला छायांकन सम्पन्न भएको छ । यो चलचित्रको एक महिनामा छायांकन सक्ने लक्ष्य निर्माण पक्षको थियो । सुरुमा केही छायांकन गरेर चलचित्रबाट सोनाम बाहिरिएका थिए । उनको ठाउँमा धिरजलाई लिईयो । तर फेरी धिरजले पनि यो चलचित्र छाडे । पुन सोनामलाई लिएर यसको छायांकन अघि बढाइएको हो ।

यही कारण बल्ल ३९ दिनसम्म खिचेर चलचित्रको सबै दृश्यको छायांकन सम्पन्न भएको छ । चलचित्रको युनिट आइतबार बेलुका सम्पूर्ण छायांकन सम्पन्न गरेर पोखराबाट काठमाडौँ फर्किएको छ । यो चलचित्रलाई अशोक थापा मगरले निर्देशन र निर्माण गरेका हुन् ।