सिभिल अस्पतालमा भर्ना भएका बिरामीलाई दुई छाक निःशुल्क खाना

काठमाडौंको मीनभवनमा रहेको सिभिल अस्पतालले भर्ना भई उपचाररत बिरामीलाई दुई छाक खाना दिन सुरु गरेको छ। सुरुमा दुई छाक खाना उपलब्ध गराइने र पछि खाजाको पनि व्यवस्था गर्ने तयारी भइरहेको अस्पतालका निर्देशक डा. मोहनचन्द्र रेग्मीले बताए।

अस्पतालले सेवा सुरु गरेको १७ वर्षसम्म बिरामीले आफैं किनेर खाने व्यवस्था थियो। अस्पतालमा पहिलो पटक यस्तो सेवा सुरु गरिएको जानकारी दिँदै निर्देशक रेग्मीले चालु आर्थिक वर्षमै बजेट विनियोजन भएको भए पनि विभिन्न प्रक्रिया पूरा गर्न समय लागेकाले सेवा सुरु गर्न ढिलाइ भएको बताए।