केन्द्र सरकारको विदा नीति चन्द्रपुर नगरपालिकाले नमान्ने

रौतहट : केन्द्र सरकारको ‘बिदा नीति’ रौतटको चन्द्रपुर नगरपालिकाले नमान्ने भएको छ । चन्द्रपुर नगरपालिकाले अबदेखि विद्यालय र सरकारी कार्यालयको बिदा कटौती गर्ने निर्णय गर्दै सूचना समेत जारी गरेको छ ।

पालिकाले सूचना जारी गर्दै सामुदायिक तथा संस्थागत विद्यालयहरू आइतबारदेखि शुक्रबारसम्म नियमित सञ्चालन हुने जनाएको छ । नगर कार्यपालिकाको निर्णय अनुसार यसअघि कायम रहेको अतिरिक्त बिदा हटाउँदै शिक्षण गतिविधि नियमित बनाउने तयारी गरिएको मेयर संजय काफलेले बताए ।