नक्कली लालपुर्जा बनाएर जग्गा पास गराउन खोज्ने तीन जना पक्राउ

सिरहा : सिरहा मालपोत कार्यालयसँग सम्बन्धित फर्जी कागजातको आधारमा जग्गा पास गराएको आरोपमा तीन जना पक्राउ परेका छन् । पक्राउ पर्नेहरूमा श्रीराम भु–सेवा केन्द्रका एक जना, लिखनदासको काम गर्ने एक र एक जना स्टुडियो सञ्चालक रहेका छन् ।

उनीहरूले फर्जी प्रक्रियामार्फत जग्गा पास गराएको आरोपमा प्रहरीले नियन्त्रणमा लिएको जनाएको छ । जिल्ला प्रहरी कार्यालय सिरहाका प्रवक्ता तथा डिएसपी रमेशबहादुर पालका अनुसार तीन जनलाई पक्राउ गरिएको छ । घटनाबारे थप अनुसन्धान भईरहेको जनाइएको छ ।