१०० मोतिबिन्दु बिरामीको निःशुल्क शल्यक्रियामा आइएमई लाइफको  सहयोग

काठमाडौं। आइएमई लाइफ इन्स्योरेन्स कम्पनी लिमिटेडले आफ्नो संस्थागत सामाजिक उत्तरदायित्व (सीएसआर) अन्तर्गत मोतिबिन्दुबाट प्रभावित १०० जना बिरामीको निःशुल्क शल्यक्रियामा आर्थिक सहयोग गरेको छ।

कम्पनीले उक्त कार्यक्रमका लागि करिब ६ लाख रुपैयाँ आर्थिक सहयोग उपलब्ध गराएको जनाएको छ। यस सहयोगमार्फत धनुषा र महोत्तरी जिल्लाका ग्रामीण क्षेत्रका १०० जना मोतिबिन्दु बिरामीले प्रत्यक्ष रूपमा निःशुल्क उपचार सेवा प्राप्त गर्ने अपेक्षा गरिएको छ।