टोटेनहमको सानदार पुनरागमन जित, चेल्सी र लिभरपुल पराजित

इङ्ग्लिस प्रिमियर लिग अन्तर्गत गएराति सम्पन्न खेलमा टोटेनहम हट्स्परले बर्नेमाउथमाथि सानदार जित निकालेको छ। भाइटालिटी स्टेडियममा सम्पन्न खेलमा दुई गोलले पछिपरेको अवस्थाबाट कमब्याक गर्दै टोटेनहमले ३-२ गोलको जित निकालेको हो।

खेलको २२ औं मिनेटमा किइफर मोरेको गोलमा बर्नेमाउथले अग्रता बनाएको थियो। त्यस्तै ४९ औं मिनेटमा उनले नै दोस्रो गोल थप्दा दोस्रो हाफको सुरुसम्म घरेलु टोलीले २-० को गोलको अग्रता बनाउन सफल भएको थियो। त्यसपछि भने टोटेनहम खेलमा फर्कन सफल भयो। खेलको ५७ औं मिनेटमा रयान सेस्सेग्ननको गोलमा खाता खोलेको टोटेनहमका लागि ७३ औं मिनेटमा बेन डेभिसले गोल थप्दै खेल बराबरीमा ल्याए। त्यस्तै इन्ज्युरी समयमा रोड्रिगो बेन्टएन्कुरले गोल थप्दा टोटेनहमले ३-२ को नाटकीय जित निकाल्न सफल भयो।