इबोलाबाट कंगोमा थप १३१ को मृत्यु : डब्लुएचओले बोलायो आपतकालीन बैठक

कंगो : विश्व स्वास्थ्य संगठन (डब्लुएचओ) ले डेमोक्रेटिक रिपब्लिक अफ कंगोमा फैलिएको इबोला प्रकोपबारे छलफल गर्न आपतकालीन समितिको बैठक बोलाउने भएको छ । इबोला संक्रमणका कारण हालसम्म अनुमानित १३१ जनाको मृत्यु भएको छ भने ५१३ जना शंकास्पद केसहरू रिपोर्ट भएको स्वास्थ्य मन्त्री सामुएल रोजर काम्बाले जानकारी दिएका छन् । यसअघि ९१ जनाको मृत्यु र ३५० शंकास्पद केस भएको विवरण थियो ।

डब्लुएचओका प्रमुख टेड्रोस अधानोम घेब्रेयससले मंगलबार जेनेभामा विश्व स्वास्थ्य सभालाई सम्बोधन गर्दै महामारीको ‘परिमाण र गतिलाई लिएर गहिरो चिन्ता’ व्यक्त गरेका छन् । उनले आइतबार नै डीआरसी र युगान्डामा फैलिएको इबोलालाई अन्तर्राष्ट्रिय स्वास्थ्य आपतकाल घोषणा गरेका थिए ।