कुञ्ज नाटकघरमा ‘मार्क्स फर्किए’ (तस्बिरहरू)

काठमाडौँ । थापागाउँस्थित आरोहण गुरुकुलको कुञ्ज नाटकघरमा अहिले नाटक ‘मार्क्स फर्किए’ मञ्चन भइरहेको छ । सुनिल पोखरेल र प्रवीण खतिवडाको परिकल्पना र निर्देशनमा तयार भएको नाटक यही चैत्र १७ गतेदेखि मञ्चन सुरुभएको हो ।

मार्क्सको १४० वर्षअघिको कठीनपूर्ण जीवन, उनका परिवारजन र उनको संघर्षबारेको जिज्ञासा शान्त गर्न अमेरिकी इतिहासकार तथा वामचिन्तक हवार्ड जीनद्वारा लिखित नाटक ‘मार्क्स इनसोहो’लाई दामोदर उपाध्यायले अनुवाद गरी नेपाली संस्करणमा तयार पारेका हुन् ।