युरोपेली हतियार भारतविरुद्ध प्रयोग भइरहेका छन् : जयशङ्कर

दिल्ली । भारतीय विदेशमन्त्री एस जयशङ्करले भारतको रुस नीतिको आलोचना गर्ने युरोपेली देशहरूलाई कडा जवाफ फर्काएका छन् । मन्त्री जयशङ्करले युरोपेली देशहरूले बेचेका हतियारहरू वर्षौँदेखि भारतविरुद्ध प्रयोग भइरहेको उल्लेख गर्दै रुसी तेल खरिदको विषयमा नयाँ दिल्लीमाथि प्रश्न उठाउने युरोपको दोहोरो मापदण्डको आलोचना गरेका छन् ।

उनले भने–‘युरोपले त्यस्ता हतियारहरू बेच्दछ, जुन भारतविरुद्ध प्रयोग हुन्छन् । यो अहिले मात्र होइन, धेरै वर्षदेखि भइरहेको छ । हामी भारतीयहरूले युरोपलाई खतरामा पार्ने कुनै काम कहिल्यै गरेका छैनौँ ।’