पाराग्वेलाई हराएर घरेलु दर्शक माझ खुसी साट्न आतुर अमेरिका

फिफा विश्वकप २०२६ को समूह ‘डी’ को बहुप्रतीक्षित र रोमाञ्चक उद्घघाटन खेलमा सह–आयोजक संयुक्त राज्य अमेरिकाले दक्षिण अमेरिकी प्रतिद्वन्द्वी पाराग्वेको सामना गर्दैछ । लस एन्जलस स्टेडियम (सोफाइ स्टेडियम) मा नेपाली समय अनुसार शनिबार बिहान ६ः४५ बजे सुरु हुने यो खेल अमेरिकी फुटबल इतिहासको एक सुनौलो र गर्विलो क्षण बन्ने निश्चित छ ।

सन् १९९४ को विश्वकपपछि अमेरिकी भूमिमा पहिलो पटक पुरुष विश्वकपको खेल हुन लागेकाले घरेलु दर्शकहरूमा उत्साहको सीमा छैन । नयाँ रणनीतिकार माउरिसियो पोचेटिनोको प्रशिक्षणमा रहेको अमेरिकी टोली युवा जोश, गति र उत्कृष्ट प्रतिभाले सुसज्जित छ । घरेलु मैदानको ठुलो फाइदा उठाउँदै अमेरिका यो विश्वकपमा सानदार सुरुवात गर्न चाहन्छ । मिडफिल्डर जिओ रेयना र स्टार स्ट्राइकरफोलारिन बालोगुन जस्ता युरोपेली लिगका अनुभवी खेलाडीहरूको उपस्थितिमा अमेरिकी टोली ४–४–२ को आक्रामक रणनीतिका साथ मैदानमा उत्रिनेछ, जसले पराग्वेको रक्षापङ्क्तिलाई कडा चुनौती दिने निश्चित छ ।