राजनीतिक दलले लिन पाउने दान तथा सहयोगसम्बन्धी कानुन अत्यावश्यक, निर्माण कति सम्भव ?

काठमाडौँ : सत्ताको नेतृत्व गरिरहेको दल नेकपा एमालेले विवादित व्यापारिक घरानाबाट अर्बौंको सहयोग लिएपछि ‘दलहरूले लिन पाउने चन्दा तथा सहयोगसम्बन्धी कानुन’ निर्माणको बहस छेडिएको छ। पार्टी कार्यालय निर्माणार्थ एमालेले ललितानिवास जग्गा प्रकरणमा मुछिएका भाटभटेनीका मालिक मीनबहादुर गुरुङबाट अर्बौंको सहयोग दान लिएपछि यो बहस उत्पन्न भएको हो।

अहिले नेपालमा दलहरूले लिन पाउने दान वा सहयोगबारे स्पष्ट कानुनी व्यवस्था छैन। विद्यमान चन्दा ऐन पनि पूर्ण कार्यान्वयन नहुँदा त्यसैको फाइदा उठाउँदै राजनीतिक दलहरूले पारदर्शी तथा अपारदर्शी रूपमा असीमित सहयोग लिइरहेका छन्।