हतियारसहित भारतीय सुरक्षाकर्मी सुस्ता प्रवेश गरेपछि स्थानीयको विरोध

बुटवल । पश्चिम नवलपरासीको सुस्ता गाउँपालिका–५ मा आज बिहान भारतीय सुरक्षाकर्मी नेपाली क्षेत्रमा प्रवेश गरेपछि स्थानीयले विरोध जनाएका छन्।

स्थानीयका अनुसार भारतीय सशस्त्र सीमा बल (एसएसबी) का करिब ६ जना सुरक्षाकर्मी हतियारसहित नेपाली भूमितर्फ आएका थिए। उनीहरू उखु खेती रहेको क्षेत्रमा पुगेपछि स्थानीय किसान तथा बासिन्दाले कारण सोध्दै विरोध जनाएका थिए। त्यसक्रममा केही समय विवादसमेत भएको बताइएको छ।