काठमाडौँमा सुनको चर्चा भइरहँदा कर्णालीमा नुनकै पिरलो !

सुर्खेत । देशको राजधानी काठमाडौंमा यतिबेला तस्करी गरी भित्रिएको करिब सय किलो सुनको चर्चा छ । यता कर्णालीमा भने एक किलो नुनका लागि नागरिकहरु आन्दोलित हुनु परेको छ ।

असार ३१ गते जुम्लाको सदरमुकाम खलंगामा रहेको साल्ट ट्रेडिङ्ग कर्पोरेशन लिमिटेडको कार्यालयमा आयोडिन नुन लिन दुर्गम गाउँबस्तीबाट नागरिकहरु आएका थिए । एक किलो नुनका लागि दिनभर लाइनमा कुरेर बस्दा पनि नुन पाइएन । त्यसपछि सेवाग्राहीहरूले कार्यालयमा ढुंगामुढा गरे ।