विगत देखाएर अहिलेको बदमासीबाट उम्किन पाइँदैन : सांसद बराल

काठमाडौँ । प्रतिपक्ष दल नेकपा (एमाले) का सांसद गुरुप्रसाद बरालले अर्थमन्त्री डा.स्वर्णिम वाग्लेले राजस्व हिनामिना गरेको गम्भीर आरोप लगाउँदै छानबिनका लागि तत्काल संसदीय समिति गठन गर्नुपर्ने माग गरेका छन्।

शुक्रबार प्रतिनिधिसभा बैठकमा विशेष समय लिएर बोल्दै उनले बजेटमा करको दर तलमाथि गरेर अर्थमन्त्री वाग्लेले राजस्व हिनामिना गरेकाले संसदीय छानबिन समिति गठन गरी सत्य तथ्य बाहिर ल्याउनुपर्ने बताएका हुन् ।