एभरेष्ट बैंकद्वारा नेपाल-भारत क्रस-बोर्डर रियल-टाइम रेमिट्यान्स सेवा सञ्चालन

काठमाडौं- एभरेष्ट बैंक लिमिटेडले नेपाल र भारतबीचको क्रस–बोर्डर रियल–टाइम रेमिट्यान्स सेवा औपचारिक रूपमा सञ्चालनमा ल्याएको छ । नेपाल–भारत अन्तरदेशीय फन्ड ट्रान्सफर सम्बन्धी व्यवस्था कार्यान्वयन भएसँगै बैंकले आफ्नो मोबाइल बैंकिङ एप ‘EBL Touch 24’ मार्फत उक्त सेवा सुरु गरेको हो ।

बैंकका अनुसार नयाँ डिजिटल सेवामार्फत अब नेपाल र भारतका नागरिकहरूले छिटो, सहज र सुरक्षित रूपमा वास्तविक समयमा रकम आदानप्रदान गर्न सक्ने छन् । यस सेवाले दुई देशबीचको वित्तीय कारोबारलाई थप सरल र प्रभावकारी बनाउने अपेक्षा गरिएको छ ।