विभाजनको संघारमा लोसपा

काठमाडौं । लोकतान्त्रिक समाजवादी पार्टी नेपाल (लोसपा) विभाजनको संघारमा पुगेको छ । लोसपामा पूर्वकांग्रेसी र पूर्वसद्भावनाका नेताहरूबीच टकराव बढ्दै गएपछि पार्टी विभाजनको संघारमा पुगेको हो ।

लोसपा केन्द्रीय समिति विस्तारलाई लिएर पार्टी अध्यक्ष महन्थ ठाकुर र राजेन्द्र महतोबीच विवाद भएको छ, जसले गर्दा गत आइतबारको केन्द्रीय समिति बैठक नै शीर्ष नेताहरूले नै बहिष्कार गरेका छन् । ठाकुर पूर्वकांग्रेस नेता हुन् भने महतो पूर्वसद्भावना नेता हुन् । यी दुवै नेताका बीचमा पार्टी केन्द्रीय समिति विस्तारलाई लिएर विवाद चर्किदै गएको छ । पछिल्लो समय महतो पार्टी कार्यालयसमेत जान छोडेका छन् ।