मुख्य सामग्रीमा जानुहोस्

समाचार

विश्व

अझै थप सतर्कता आवश्यक

rajdhanidaily.com · Tue Aug 24 23:31:54 GMT 2021

कोरोना महामारीकोे पछिल्लो रिपोर्टमा संख्यात्मक रूपमा केही सुधार आएको देखिए पनि सरकारले सतर्कतामा केही कडाइ हुने गरी निर्णय लिएको छ । भाद्र १६ गतेसम्मका लागि थपिएको निषेधाज्ञामा विभिन्न सेक्टर हेरी आवश्यकताअनुसार कतै खुकुलो त कतै कडाइ गरिएको छ । दैनिक गरिने पीसीआर परीक्षणमा कमी भएकाले पनि संख्या घटेको जस्तो देखिएको हो तर अवस्थामा खासै सुधार भने आइनसकेकाले लापर्बाही गर्ने अवस्था छैन ।

स्वास्थ्य तथा जनसंख्या मन्त्रालयले दिएको पछिल्लो २४ घण्टे रिपोर्टमा ९ हजार ९ सय ९ जनामा गरिएको पीसीआर परीक्षणमा २ हजार २० र ४ हजार ९ सय १ एन्टिजेन परीक्षणमा ५ सय ५ जना गरी २ हजार ५ सय २५ जनामा संक्रमण पुष्टि भएको देखिएको छ । कोरोना संक्रमित र निको हुनेको संख्यामा केही फरक देखिए पनि संक्रमणबाट निको हुनेको संख्या उल्लेख्य भएको मान्नुपर्नेहुन्छ । तर, पनि महामारी संक्रमणबाट मृत्यु हुनेको संख्यामा खासै फरक आउन सकिरहेको छैन । दिनहुँ हुने सरदरको संख्याले कोरोना संक्रमण र निको हुनेको संख्यामा अस्थायी रूपमा निरन्तरता देखिएको छ ।

स्रोतमा पूरा पढ्नुहोस् (rajdhanidaily.com)