बालेनको नेतृत्वमा सरकार गठन गर्न तयारी सुरु, चैत १३ मा शपथ

राष्ट्रिय स्वतन्त्र पार्टी (रास्वपा)ले सरकार गठनको प्रक्रिया सुरु गरेको छ। निर्वाचन आयोगले प्रतिनिधिसभा निर्वाचनको अन्तिम मतपरिणामसहितको प्रतिवेदन राष्ट्रपतिसमक्ष बुझाएलगत्तै रास्वपाका शीर्ष नेताहरू नयाँ सरकारको खाका र कार्यतालिका निर्माणमा जुटेका थिए।

बिहीबार काठमाडौंको रोयल सिंगी होटलमा बसेको रास्वपाका शीर्ष नेताहरूको बैठकमा वरिष्ठ नेता बालेन्द्र शाह 'बालेन'को नेतृत्वमा सरकार गठन गर्ने र चैत १३ गते प्रधानमन्त्रीको शपथ ग्रहण गर्ने सहमति जुटेको छ।