बेलायतमा विद्यार्थीको हजारौँ पाउण्ड ठगी गरेको गोर्खामाथि आरोप

लन्डन । बेलायत आउनुअघि शैक्षिक कन्सल्टेन्सीको ठगी त छँदै थियो, यहाँ आइसकेपछि पनि नेपाली विद्यार्थी ठगिने क्रम रोकिएको छैन ।

काम र कोठा नपाएर सास्ती खेपिरहेका विद्यार्थीलाई अहिले ‘बेलायतमा पाउण्ड दिन्छु नेपालमा रुपैयाँ डिपोजिट गरिदिनु’ भनेर लुट्ने काममा नेपाली नै संलग्न भएका गुनासो व्यापक बढेको छ । ‘कोठा छ पहिले नै डिपोजिट गरिदिनु’ भनेर ठग्ने क्रम चलिरहँदा हुन्डी कारोबारमा झन् बढी नेपाली फस्न थालेका हुन् । तर, नेपालमा परिवारलाई चिन्ता हुन्छ भनेर विद्यार्थी आफ्नो पीडा भन्न सकिरहेका छैनन् ।