हङकङ सिक्सेस – नेपाल र इङ्ग्ल्याण्ड आज खेल्दै

२०औं द हङकङ सिक्सेस प्रतियोगिताको आफ्नो पहिलो खेलमा आज नेपालले इङ्ग्ल्याण्डको सामना गर्दैछ ।

खेल मिसन रोड ग्राउण्डमा नेपाली समय अनुसार शुक्रवार बिहान ७ः१० बजे सुरु हुनेछ । ३ पटकको च्याम्पियन इङ्ग्ल्याण्डसँग प्रतियोगितामा पहिलो पटक सहभागी नेपालले खेल्न लागेको हो । खेलमा इङग्ल्याण्डको कप्तानी अलराउन्डर रवि भोपाराले गर्नेछन् । नेपाली टोली सन्दीप जोराको कप्तानीमा रहेको छ ।