सहिद सप्ताहको अन्तिम दिन आज, स्मारकमा स्मृति सभाको आयोजना हुँदै

काठमाडौं । सप्ताहव्यापी सहिद दिवसको अन्तिम दिन आज शान्तिबाटिकाबाट प्रभातफेरी शुरू गरी बिहान ९ बजे सहिद स्मारक लैनचौरमा स्मृति सभाको आयोजना गर्ने कार्यक्रम रहेको छ । उक्त सभामा प्रधानमन्त्रीसहित उच्च पदस्थ अधिकारीहरूको सहभागिता रहने छ ।

यसअघि छैठौं दिन आइतबार सहिद गंगालाल श्रेष्ठ र दशरथ चन्दको शालिकमा पुष्पगुच्छा अर्पण गरिएको थियो । सहिद दिवस मूल समारोह समितिले काठमाडौंको शोभा भगवतीमा आयोजना गरेको स्मृति सभामा मन्तव्यसहित सहिदहरूको सालिकमा पुष्पगुच्छा अर्पण गरिएको थियो ।