डिज्नीको भारतीय व्यवसाय किन्दै मुकेश अम्बानीको कम्पनी

मुम्बई । भारतीय अर्बपति व्यापारी मुकेश अम्बानीको कम्पनी रिलायन्स इन्डष्ट्रिजले अमेरिकी मनोरञ्जन कम्पनी वाल्ट डिज्नीको भारतीय व्यवसाय किन्न लागेको छ । रिलायन्सले नगद र शेयर दिएर करीब १० अर्ब डलरमा डिज्नी स्टारको बहुमत शेयर किन्न लागेको जानकार स्रोतहरुलाई उद्धृत गर्दै ब्लुम्बर्गले समाचार छापेको छ ।

केही स्रोतले भने डिज्नीको सम्पत्तिलाई रिलायन्सले ७ अर्ब देखि ८ अर्बबीच मूल्यांकन गरेको छ । यो खरिद सम्झौताको घोषणा छिटोमा आगामी महीना हुन सक्ने बताइएको छ । रिलायन्सको केही मिडियो युनिटलाई डिज्नी स्टारमा गाभिन सक्ने बताइएको छ । यो सम्झौतामा डिज्नीलाई पनि भारतीय कम्पनीमा अल्पसंख्यक हिस्सा मिल्नेछ ।