मालपोत कार्यालय बुटवलका अधिकृत अर्याल प्रहरी नियन्त्रणमा

बुटवल : मालपोत कार्यालय बुटवलमा कार्यरत मालपोत अधिकृत घनश्याम अर्याललाई प्रहरीले नियन्त्रणमा लिएको छ। कार्यालयको छाप नक्कली बनाएर लालपूर्जा वितरण गरेको आरोपमा अर्याललाई शुक्रबार जिल्ला प्रहरी कार्यालय रुपन्देहीले नियन्त्रणमा लिएको हो।

‘चार वर्ष अघिदेखि यस विषयमा अनुसन्धान चलिरहेको थियो’, जिल्ला प्रहरी कार्यालय रुपन्देहीका सूचना अधिकारी एवं प्रहरी नायव उपरीक्षक गणेश सापकोटाले भने, ‘बयानका क्रममा उहाँले केही कुराको गल्ती स्वीकार गरेपछि नियन्त्रणमा लिएर अनुसन्धान भइरहेको छ।’