कणको टक्करबाट स्ट्रिङ थ्योरी प्रकट, ब्रह्माण्डकै अन्तर्निहित नियम हुनसक्ने वैज्ञानिकहरूको दाबी 

ब्रह्माण्डको सबैभन्दा सानो एकाइलाई व्याख्या गर्ने जटिल ‘ स्ट्रिङ थ्योरी ‘ केवल गणितीय कल्पना मात्र नभएर ब्रह्माण्डकै अन्तर्निहित नियम हुनसक्ने सङ्केत वैज्ञानिकहरूले फेला पारेका छन्। क्याल्टेकका भौतिकशास्त्रीहरूले गरेको एक नयाँ अनुसन्धानले ब्रह्माण्डले भित्रभित्रै स्ट्रिङ थ्योरीको अस्तित्व चाहिरहेको जस्तो देखिने खुलासा गरेको छ।

अनुसन्धानकर्ताहरूले सुरुमा स्ट्रिङहरूको अस्तित्वलाई कल्पना नगरीकन केवल अत्यधिक ऊर्जामा कणहरूले गर्ने व्यवहारका केही सामान्य नियमहरूबाट गणितीय समीकरण हल गर्न सुरु गरेका थिए, तर नतिजास्वरूप ती समीकरणहरूले स्वतः स्ट्रिङ थ्योरीकै मुख्य विशेषताहरू र सङ्केतहरू पैदा गरेपछि वैज्ञानिकहरू अचम्ममा परेका छन्।