जापानमा कोभिड संक्रमण दर बढ्यो, विमानस्थलमा सतर्कता

जापानमा बिहीबारसम्म १ लाख ९२ हजार ६३ जनामा कोरोना संक्रमण देखिएको छ । संक्रमण दर बढ्दै गएपछि जापान सरकारले विशेषगरी विमानस्थलमा सतर्कता बढाएको छ । त्यहाँ हिजोसम्म ४२० जना संक्रमितको मृत्यु भइसकेको छ ।

कोरोना संक्रमण यसअघि गम्भीरतासाथ नलिएको जापान सरकारले पछिल्लो दुई महिनामा महामारीको रुप लिएपछि अहिले गम्भीरतासाथ लिएको छ । खासगरी टोकियो, खानागावा, चिबा, ओसाका, फुकुओका तथा होक्काईदो लगायतका मुख्य शहरमा संक्रमितहरुको संख्या बढेको देखिएको छ । संक्रमितहरुको संख्या ह्वात्तै बढेसँगै अस्पतालमा भर्ना र चेकअपका लागि लाइन लाग्नुपर्ने अवस्था सिर्जना भएको छ ।