उच्च निगरानीमा सहकारीमा जोडिएका ‘हाई प्रोफाइल’

काठमाडौं । सहकारीमा शंकास्पद बचत र कारोबार हुन थालेपछि सहकारी संस्थाहरूले ‘हाई प्रोफाइल’ व्यक्ति र उनका नातेदारहरूको अभिलेख राख्नुपर्ने भएको छ ।

सहकारी ठगी तथा बचत रकम अपचलनको मुद्दामा एकपछि अर्को उच्च पदस्थ व्यक्ति (हाई प्रोफाइल)हरूको नाम जोडिन थालेपछि सहकारीले विवरण राख्नुपर्नेगरी सहकारी विभागले सम्पत्ति शुद्धीकरण निवारणसम्बन्धी निर्देशन तथा दिग्दर्शन जारी गर्दै उच्चपदस्थ व्यक्तिको पहिचानसम्बन्धी विशेष व्यवस्था गरेको हो ।