‘लालीबजार’ ले कोपनहेगनबाट थाल्दैछ डायस्पोरा प्रदर्शन

काठमाडौँ । षट्कोण आर्ट्सको कथानक फिल्म ‘लालीबजार’ले युरोपेली मुलुक डेनमार्कबाट डायस्पोरा प्रदर्शन थाल्ने भएको छ । निर्माताले शुक्रबार विज्ञप्तिमार्फत ५, ६ र ७ असारमा कोपनहेगनमा प्रदर्शन हुने जनाएका हुन् ।

निर्माता म्याक्स दिपेश खत्रीले युुरोपबाट विदेश टूर थाल्न लागिएको जनाए । ‘नेपालमा दर्शकको माया पाएसँगै विदेश प्रदर्शन कहिले हुन्छ भन्ने हामीलाई जिज्ञासा आइरहेको थियो । अन्ततः हामीले युरोपको डेनमार्कबाट प्रदर्शनी सुरू गर्दैछौँ । अन्य देशमा समेत हामीले छिटै प्रदर्शन हुने तालिका तय गर्दैछौँ’, निर्माता खत्रीले भने ।