युद्धकालीन शक्तिलाई सीमित गर्नु सही नहुने राष्ट्रपति ट्रम्पको दावी

काठमाडौं । अमेरिकी राष्ट्रपति डोनाल्ड ट्रम्पले ‘डेमोक्र्याटिक पार्टी’ र ‘रिपब्लिकन पार्टी’का केही सांसदले अमेरिकी संसदको तल्लो सदन ‘हाउस अफ रिप्रिजेन्टेटिभ’मा भएको मतदान आफ्नो युद्धकालीन शक्तिलाई सीमित गर्ने पक्षमा रहेको दाबी गरेका छन् ।

उनले इरानसँगको युद्ध अन्त्यका लागि वार्ताको अन्तिम चरणमा रहेका बेला यो विकास भएको र यो देशको हितविपरीत भएको बताए । ट्रम्पले सामाजिक सञ्जाल ट्रुथ सोशलमा लेखका छन्, “हिजो निरर्थक मतदानमा चार गलत रिपब्लिकन र सबै डेमोक्र्याटहरूले इरानसँगको युद्ध अन्त्यका लागि मैले वार्ता गरिरहेको समयमा मेरो युद्ध शक्तिलाई सीमित गर्ने पक्षमा मतदान गरे। यस्तो देशद्रोही काम कसले गर्ने ? उनीहरूलाई थाहा छ कि वार्ता के भइरहेको छ। डेमोक्र्याटहरू ट्रम्पको भारी विरोधको भावनाबाट प्रेरित छन्। उनीहरूले मलाई अर्को विजय प्राप्त गरेको हेर्नुभन्दा देश असफल भएको हेर्न चाहन्छन्। ती चार रिपब्लिकनहरू फरक कथा हुन् – तिनीहरू केवल ढोंगी हुन्। उनीहरू आफैंमा लज्जित हुनुपर्छ।”