सङ्खुवासभाका सुरक्षा प्रमुख र चिनियाँ प्रतिनिधिबीच उत्तरी क्षेत्र किमाथाङ्कामा भेटवार्ता

किमाथाङ्का । उत्तरी क्षेत्र किमाथाङ्का नाकामा सङ्खुवासभाका सुरक्षा प्रमुख र चिनियाँ प्रतिनिधिबीच भेटवार्ता भएको छ । प्रमुख जिल्ला अधिकारी दिव्यराज पोखरेल र चीन सरकारका प्रतिनिधिहरूबीच शनिबार भेटवार्ता भएको हो ।

त्यसअवसरमा सीमा सुरक्षा, नाका नियमित बनाउने र सीमा क्षेत्रका संरचना निर्माणलगायत विषयमा कुराकानी भएको प्रजिअ पोखरेलले जानकारी दिए । यस्तै, नेपाल र चीन जोड्ने मितेरी पुल तथा सडक निर्माण गर्न चीन सरकार सकारात्मक रहेको र लगानीको वातावरण बनाइदिन आग्रह गरेको उनले बताए ।