अपाङ्गता भएकाको माग सरकारले सुनेन, विरोधमा कपाल मुण्डन

काठमाडौँ । पूर्ण अपाङ्गता भएकाहरुसँग गरेको सहमति कार्यान्वयन गर्न सरकार पछि हटेपछि सरोकारवालाहरुले विभिन्न दबाबमूलक कार्यक्रम गर्दै आएका छन् । सो क्रममा ३५ दिनदेखि हक हितका लागि रत्नपार्कको शान्ति बाटिकामा अनसनरत दीपक भण्डारीसहित तीन जना र अन्य सरोकारवालाहरुले कपाल मुण्डन गरेर सांकेतिक विरोध गरी सरकारलाई नैतिक दबाब दिएका छन् ।

उनीहरुसँग गरेको सहमति सरकारले कार्यान्वयन नगरेपछि भण्डारीसहित तीन जना अनसनमा छन् । तर सरकारले हालै ल्याएको वार्षिक बजेटलेसमेत सहमतिअनुसारको बजेट नछुट्टाएपछि पीडितहरुले कपाल मुण्डन गरेका हुन् ।