न्यूरोडमा महानगर र सडक विभाग आमनेसामने

२१ जेठ, काठमाडौं । सोमबार बिहान ८ बजे सडक विभागको टोली सडक टिपर र ट्रकमा कालोपत्रे गर्न आवश्यक अस्फाल्ट, गिटी र केही कामदार लिएर इन्द्रचोकमा ओर्लियो ।

१२ जेठमा काठमाडौं महानगरपालिकाले फुटपाथ विस्तार गर्न भन्दै काटेको इन्द्रचोकदेखि जुद्ध शालिकतर्फको सडकको पिच टाल्न सडक विभाग मातहतको डिभिजन सडक कार्यालय काठमाडौंले टोली पठाएको थियो ।