परीक्षा अगावै कक्षा १२ को प्रश्नपत्र र उत्तर सामाजिक सञ्जालमा लिक गर्ने थप २ जना पक्राउ

काठमाडौँ । कक्षा १२ को वार्षिक परीक्षाको गोपनीयता भङ्ग गरी परीक्षा सुरु हुनुभन्दा अगावै प्रश्नपत्र र उत्तर सार्वजनिक गरेको आरोपमा थप दुईजना पक्राउ परेका छन् । योसँगै यो प्रकरणमा पक्राउ पर्नेको संख्या चार पुगेको छ ।

नेपाल प्रहरीको साइबर ब्युरोले मंगलबार काठमाडौँको रत्नपार्कबाट गोरखाको भीमसेन थापा गाउँपालिका–५ घर भई रानीवन बस्ने २९ वर्षीय सन्तोष बन्जारा र गोरखाकै गण्डकी गाउँपालिका–३ घर भई वनस्थली बस्ने २० वर्षीय अश्विन अधिकारीलाई पक्राउ गरेको हो ।