चर्को ब्याजदर, लघुवित्तको ज्यादती र मिटरब्याजविरुद्ध दाङमा प्रदर्शन

दाङ : विप्लव नेतृत्व नेपाल कम्युनिस्ट पार्टीले दाङमा बैंकको चर्को ब्याजदर,लघुवित्त संस्थाको ज्यादती र मिटरब्याजका विरुद्ध विरोध प्रदर्शन गरेको छ। शुक्रबार घोराही र तुलसीपुरमा पार्टीको आयोजनामा विरोध प्रदर्शन गरिएको थियो।

विरोध प्रदर्शनपछि कोणसभालाई सम्बोधन गर्दै पार्टीकी केन्द्रीय सदस्य तथा दाङ जिल्ला इन्चार्ज सम्झना सीले पार्टीले देशव्यापी रूपमा शुक्रबार विद्रोहको शुरुवात गरेको बताइन्। उनले बैंकको बढ्दो ब्याजदर, लघुवित्त संस्थाको ज्यादती र मिटरब्याजका कारण आमजनता र उद्योग, व्यवसायीमा संकट थपिदै गएको पनि बताइन्।