ओलाङचुङ भन्सारका कर्मचारी खोज्दै भन्सार विभाग पुगे ताप्लेजुङका जेन-जी समूह
ekantipur.com · Mon Nov 10 04:46:42 GMT 2025
ताप्लेजुङ — वर्षौँदेखि बन्द रहेको ओलाङचुङगोला भन्सार कार्यालय सञ्चालनका लागि दबाब दिँदै आएका ताप्लेजुङको जेन-जी समूहका प्रतिनिधि कर्मचारी खोज्दै आइतबार भन्सार विभाग काठमाडौं पुगेका छन्। उनीहरूले भन्सार विभागका प्रमुखसहित प्रशासन प्रमुखलाई भेटेर ओलाङचुङगोला भन्सारका कर्मचारी तत्काल पठाइदिन आग्रह गरेका छन्।
यसअघि जिल्लामा जनप्रतिनिधि, राजनीतिक दल र नागरिक समाजबीच भएको अन्तरक्रिया कार्यक्रमको निचोड पनि विभाग प्रमुख समक्ष अवगत गराइएको थियो।
जेन जीका दिनेश सिग्देल र मुकेश कार्की नेतृत्वको टोलीले १५ दिनभित्र कर्मचारी पठाइदिने आश्वासन पाएको बताएका छन्।
'त्यहाँ दरबन्दी भएका कर्मचारी अन्यत्रै रहेछन्,' दिनेशले भने, 'भन्सार विभागका प्रशासन प्रमुखले कर्मचारीको विवरण हेरेर एक सातादेखि १५ दिनभित्र पुग्ने गरी पठाउने बताएका छन्।'
Register and Get a chance to win Smart Helmet every week!
Full Name
Phone Number
Address
Submit
skip
Thank you for your interest!
continuing to the quiz ...
Click here
Congratulations!
Please provide your Phone number
to continue playing.
You scored
+977
Submit
Share on Facebook
Take the next test
भन्सार विभागका उपमहानिर्देशक (व्यवस्थापन तथा अनुपालन महाशाखा) भरतमनी पाण्डेले भन्सार कार्यालय स्थापनाका क्रममा स्थानीयबाट पाउने सहयोगका विषयमा फक्ताङलुङ गाउँपालिका–७ का वडाध्यक्ष छेतेन शेर्पा लामासँग पनि आइतबारै कुराकानी गरेका छन्।
वडाध्यक्ष लामाले यसअघि एक जना नायब सुब्बा र एक जना कार्यालय सहयोगी उपलब्ध गराइदिन निवेदन दिएका थिए।
प्रकाशित : कार्तिक २४, २०८२ १०:३१
स्रोतमा पूरा पढ्नुहोस् (ekantipur.com)