कर्णाली प्रदेश अस्पतालको बदलिएको स्वरूप

सुर्खेत । वीरेन्द्रनगर नगरपालिका–३, कालागाउँमा रहेको कर्णाली प्रदेश अस्पताल आकर्षक, सुन्दर र सफा देखिन्छ । झट्ट हेर्दा यो कुनै अस्पताल नभएर रमणीय स्थल हो कि जस्तो लाग्छ ।

सरकारी अस्पताल भन्नासाथ अस्तव्यस्त, फोहोर, दुर्गन्ध हुन्छ भन्ने भाष्यलाई यो अस्पतालले गलत साबित गरेको छ । पछिल्लो एक दशकमा यो अस्पतालमा युगान्तकारी परिवर्तन भएको छ ।