धितोपत्र सम्बन्धी कसुरमा निर्माण व्यवसायी महासंघका अध्यक्ष पाण्डे फरार प्रतिवादी

काठमाडौँ । व्यवसायी दीपक भट्ट जोडिएको धितोपत्र सम्बन्धी कसुरमा नेपाल निर्माण व्यवसायी महासंघका अध्यक्ष निकोलस पाण्डे पनि संलग्न भएको भेटिएको छ । केन्द्रीय अनुसन्धान ब्युरोले गरेको अनुसन्धान प्रतिवेदनको आधारमा जिल्ला सरकारी वकिल कार्यालयले अध्यक्ष पाण्डेलाई पनि प्रतिवादी कायम गरेर अदालतमा अभियोग दायर गरेको छ । अभियोगपत्र अनुसार पाण्डेलाई फरार प्रतिवादी कायम गरिएको छ ।

चितवनको भरतपुर महानगरपालिका वडा नम्बर–१० घर भएका पाण्डे पूर्वमन्त्री विक्रम पाण्डेका छोरा हुन् । ४८ वर्षीय निकोलस भट्टले स्थापना गरेको लिवर्टी माइक्रो लाइफ इन्स्योरेन्स लिमिटेडको सञ्चालक रहेका खुलेको छ ।