यत्र, तत्र, सर्वत्र भ्रष्टाचारको सञ्जाल
rajdhanidaily.com · Wed Jan 26 23:40:59 GMT 2022
व्यक्तिमा भ्रष्ट आचार भएपछि भ्रष्टाचार हुने गर्छ । भ्रष्टाचार भ्रष्ट आचारसँग जोडिएको हुनाले पद र शक्तिको दुरुपयोग गरी पैसा कुम्ल्याउने कार्य मात्र भ्रष्टाचार होइन । भ्रष्ट आचारबाट सिर्जित हरेक अनियमिता, ठगी, बेइमानीजस्ता कार्यहरू भ्रष्टचारसँग जोडिएका हुन्छन् । भ्रष्टाचार कोभिड वा अन्य रोग जस्तै एक्कासि उत्पन्न हुने महामारी होइन । यो मानव निर्मित आचारसँग जोडिएको सामाजिक रोग हो । अहिले मुलुकमा एकपछि अर्कोगरी आर्थिक अनियमितताका घटना आउने गरेका छन् । यसको पछिल्लो प्रकरण बतास अर्गनाइजेसनसँग जोडिएको काण्ड हो । यसरी हेर्दा मुलुकमा जताततै भ्रष्टाचार, अनियमितता, कमिसन, सेटिङको सञ्जाल यत्र, तत्र, सर्वत्र फैलिएको अवस्था छ ।
नेपालमा भ्रष्टाचार धेरै पुरानो रोग हो । अझै संघीय राज्य व्यवस्था भएपछि त यसको क्षेत्र व्यापक भएर गएको पाइन्छ । अहिले सिंहदरबारभित्र रहेको भ्रष्टाचारको सञ्जाल यत्र, तत्र, सर्वत्र फैलिएको जानकार बताउँछन् । तथ्यांकहरूले पनि यही पुष्टि गर्छन् । हाम्रो देश दक्षिण एसियाका २७ वटा देशमा बंगला देश र पाकिस्तान पछाडि तेस्रो भ्रष्टाचार हुने मुलुकमा थियो । अहिले तिनीहरूलाई पनि पछाडि पार्दै भ्रष्टचारको अगुवाइ गरेको छ । भ्रष्टाचारको अंक बढेर अर्बैंमा पुगेको छ । अझै पछिल्लो समयमा त सरकारी जग्गा, गुठी, धर्मशाला, वनबाटिका, ताल, तलैया आदि इत्यालीमा संस्थागत भ्रष्टचार हुने गरेका छन् । न्यायालय, शिक्षालय वा कुनै पनि कार्यालय भ्रष्टाचारबाट मुक्त भएको भेटाउन गाह्रो छ ।
स्रोतमा पूरा पढ्नुहोस् (rajdhanidaily.com)