वर्षा र पहिरोले कर्णाली करिडोर अवरुद्ध : सडक पुनर्निर्माणका लागि सांसद विश्वकर्माको माग

काठमाडौँ । नेपाली कम्युनिस्ट पार्टी (नेकपा)का सांसद विष्णुबहादुर विश्वकर्माले हालैको अविरल वर्षाका कारण अवरुद्ध भएको कर्णाली करिडोर लगायत कालिकोटका विभिन्न सडक खण्डहरूको तत्काल पुनर्निर्माण गर्न सरकारको ध्यानाकर्षण गराएका छन्।

शुक्रबार बसेको राष्ट्रिय सभाको बैठकमा बोल्दै उनले प्राकृतिक विपत्ति र वन्यजन्तुको आक्रमणका कारण सास्ती भोगिरहेका कर्णालीका नागरिकको समस्या समाधान गर्न सरकारसँग माग गरेका हुन् ।