काभ्रेमा बस दुर्घटना- ७ जनाको मृत्यु

काभ्रेमा यात्रुवहाक बस दुर्घटना हुँदा ७ जनाको मृत्यु भएको छ।

बनेपातर्फबाट भकुन्डेबेसीतर्फ जाँदै गरेको यात्रुवहाक बस आज दिउँसो दुर्घटना हुँदा ७ जनाको मृत्यु भएको जिल्ला प्रहरी कार्यालय काभ्रेका डिएसपी रबिन विष्टले सेतोपाटीलाई जानकारी दिए।

‘७ जनाको शव फेला परेको छ, १६ जना घाइतेलाई उद्धार गरेर धुलिखेल अस्पताल पठाएका छौं,’ उनले भने।

बा ३ ख ८३९८ नम्बरको बस दुर्घटनामा परेको हो।

काभ्रेका प्रमुख जिल्ला अधिकारी गोपालकुमार अधिकारीले भकुन्डेबेसी नपुग्दै बुच्चाकोटमा बस दुर्घटनामा परेको बताए।