काभ्रेको बुच्चाकोटमा यात्रु बस दुर्घटना, उद्धार कार्य जारी

काठमाडौं - काभ्रेपलाञ्चोकको बनेपाबाट रोशी गाउँपालिकातर्फ जाँदै गरेको यात्रुबस दुर्घटना हुँदा ठूलो संख्यामा हताहति भएको आशंका गरिएको छ।

प्रहरीका अनुसार बस विपी राजमार्गअन्तर्गत नमोबुद्ध नगरपालिका–२ बुच्चाकोट क्षेत्रमा दुर्घटनामा परेको हो। दुर्घटनाग्रस्त बस सुँगुरेतर्फ जाँदै गरेको बताइएको छ।

प्रहरीले घटनास्थलबाट केही शव संकलन गरेको छ भने घाइतेहरूको उद्धार कार्य जारी रहेको जनाएको छ।दुर्घटनाको कारण खुल्न बाँकी रहेको र हताहतको यकिन विवरण आउन बाँकी रहेको प्रहरीले जनाएको छ।

सुरक्षाकर्मी, स्थानीयवासी तथा उद्धार टोली घटनास्थलमा परिचालित भएका छन्।

दुर्घटनाबारे थप विवरण आउन बाँकी छ।