‘जापानिज–नेवारी सांस्कृतिक सङ्गीत फ्युजन २०२६’ सम्पन्न

नेपाल र जापानबीच कूटनीतिक सम्बन्ध स्थापनाको ७० वर्ष पूरा भएको अवसरमा आयोजित ‘हार्मोनी अफ ड्रम्स स् जापानिज–नेवारी सांस्कृतिक सङ्गीत फ्युजन २०२६’ सम्पन्न भएको छ ।

नेपाल पर्यटन बोर्ड र जापानको वल्र्ड यू एकेडेमी (हिरोज क्लब) को संयुक्त आयोजनामा बोर्डको सभाहलमा सो सांस्कृतिक कार्यक्रम आज सम्पन्न भएको हो । दुई देशबीचको दीर्घकालीन मित्रता, सांस्कृतिक आदान–प्रदान र आपसी सम्मानलाई जीवन्त रूपमा प्रस्तुत गरिएको सो कार्यक्रमले साङ्गीतिक प्रस्तुतीमार्फत कूटनीतिको प्रभावकारी सन्देश प्रवाह गरेको बोर्डले जनाएको छ ।